ராமலிங்கம் - நாகசுந்தரம் - 2

பினாங்கு, பத்து பெரிங்கியில், சின்ன ஒரு சாப்பாட்டுக் கடையைத் திறந்து, இன்று உலகம் போற்றும் உன்னதக் கலசங்களாக வலம் வருபவர்கள் யார்? அவர்கள் தான் அமரர் ரெங்கசாமியின் வாரிசுகள். சகோதர ஒற்றுமைக்கு வலிமை சேர்க்கும் துரைசிங்கம்-ராமலிங்கம்-நாகசுந்தரம் சகோதரர்கள். மலேசியப் புகழ் லோட்டஸ் ஜாம்பவான்கள். இனம், மொழி, சமய பேதங்களைத் தாண்டியவர்கள். தர்ம தார்மீகத்திற்குச் சிலை வடிக்கும் மண்ணின் மைந்தர்கள். 

மூத்தவர் துரைசிங்கம். ரேனா என்பது செல்லப் பெயர். அதுவே ’கார்ப்ரெட்’ பெயராக நிலைத்துவிட்டது. ரேனாவின் அரிய பெரிய அர்ப்பணிப்புகளும் ஆடம்பரம் இல்லாத எளிய வாழ்க்கையும், மலேசிய வரலாற்றில் சொப்பனம் பாடுகின்றன. இன்று ரேனாவிற்கு 20 உணவகங்கள், 2,400 தனி அறைகளைக் கொண்ட நட்சத்திர விடுதிகள். குழந்தைகளுக்கான ஓர் உல்லாச உலகம். 120 திரை அரங்குகள். 10,000 ஊழியர்களுக்கு வேலைவாய்ப்புகள்.இன்னும் நிறைய வருகின்றன.